Сына Кадафі будуць судзіць у Лібіі

У верасьні ў Лібіі, у горадзе Зынтан пачнецца разгляд справы сына зрынутага дыктатара Муамара Кадафі Сайфа аль-Ісляма.

Прэс-сакратар пракурора заявіў у чацьвер, што суд пачнецца ў Лібіі нягледзячы на ордэр, выданы Міжнародным крымінальным судом у Гаазе, які патрабуе выдачы Сайфа аль-Ісляма.

Генэральная пракуратура Лібіі заявіла, што расьсьледаваньне адносна абвінавачваньняў на адрас малодшага Кадафі - завершанае.

Суд у Гаазе раней выказаў сумневы ў тым, што Сайф аль-Іслям можа спадзявацца справядлівага разгляду справы ў Лібіі.

svaboda.org/аз