Украіна аспрэчыць вынесены у Лібіі прысуд

Украінскія ўлады заяўляюць, што будуць змагацца за вызваленьне сваіх грамадзянаў, асуджаных сёньня ў Лібіі.

19 украінскіх грамадзянаў былі прысуджаныя да 10 гадоў турмы за барацьбу на баку дыктатара Муамара Кадафі ў якасьці наёмнікаў.

У кароткай заяве ўкраінскае МЗС паведаміла, што адкаваты неадкладна аспрэчаць у Вышэйшым вайсковым судзе ў Трыпалі вынесены сёньня прысуд.

Апрача ўкраінцаў па 10 гадоў турмы атрымала трое беларусаў і адзін расеец. Другі грамадзянін Расейскай Фэдэрацыі, якога абвінавацілі ў камандаваньні групай, быў прысуджаны да пажыцьцёвага зьняволеньня.

Таксама міністар замежных справаў Беларусі зьвярнуўся да свайго лібійскага калегі з просьбай пасадзейнічаць у пераглядзе прысуду, вынесенага беларусам.

аз