ПіС падтрымлівае байкот „EURO 2012”

У сувязі з палітычнымі падзеямі ва Ўкраіне ды сытуацыяй зьняволенай лідаркі ўкраінскіх апазыцыйных сілаў Юліі Цімашэнкі, партыя „Права й справядлівасьць”(PiS) падтрымлівае байкот мерапрыемстваў, якія ў рамках Чэмпіянату Эўропы па футболе „EURO 2012” пройдуць ва Ўкраіне.

ПіС заклікае працягваць міжнародны ціск. Паводле палітыкаў, ён павінен паўплываць на пазыцыю ўкраінскага ўраду.

У сваёй заяве, найбуйнейшая апазыцыйная партыя Польшчы падкрэсьлівае, што дзеяньні ўкраінскага ўраду ў дачыненьні да мясцовай апазыцыі, а таксама стаўленьне да Юліі Цімашэнкі, павінны выклікаць рашучую рэакцыю як польскіх, так і эўрапейскіх палітыкаў.

Паводле партыі „Права й справядлівасьць”, польскія ўлады павінны падтрымаць байкот часткі мерапрыемстваў, якія ў рамках чэмпіянату пройдуць ва Ўкраіне.

аз