Кіроўная партыя ў Польшчы мае найбольшую падтрымку перад эўравыбарамі

У нядзелю палякі будуць выбіраць 50 дэпутатаў Эўрапарлямэнту ад Польшчы.

Найлепшыя шанцы на перамогу на гэтых выбарах мае кіроўная партыя. Паводле апошняга сацыялягічнага апытаньня IBRiS для штодзёнкі «Rzeczpospolita» за партыю «Права і справядлівасьць» зьбіраюцца 38,7% выбарцаў. Другой па папулярнасьці зьяўляецца «Эўрапейская кааліцыя», якую падтрымліваюць 35% рэспандэнтаў. У параўнаньні з папярэднім апытаньнем 11 траўня адлегласьць паміж асноўнымі канкурэнтамі скарацілася да 1,4%.

Трэцяе месца ў рэйтынгу займае рух «Вясна» з 6,3% падтрымкі, што нязначна перавышае выбарчы парог, які ў Польшчы складае 5%.

Шанцы патрапіць у эўрапарлямэнт маюць яшчэ «Канфэдэрацыя Корвін Браўн Лірой ды нацыяналісты» з 6% падтрымкай ды рух «Kukizʼ15» з 4,9%. 9% палякаў яшчэ ня ведаюць за каго, яны хочуць галасаваць.

53% палякаў заяўляюць, што яны пойдуць на выбары.

PR/jl