Будзе больш пасажыраў у польскіх аэрапортах

Гэта вынікае са справаздачы «Прагнозы разьвіцьця авіяцыйнага рынку ў 2019 годзе».

У дакумэнце зазначаецца, што польская авіяцыйная прамысловасьць мае адзін з найбольшых патэнцыялаў разьвіцьця ў Эўропе.

Паводле аўтараў рапарту, сёлета колькасьць пасажыраў у польскіх аэрапортах перавысіць 50 мільёнаў чалавек. Разам з тым, гэта азначае, што рост колькасьці пасажыраў у параўнаньні з мінулым годам зьменшыцца з 15% да 10,5%.

Падзеньне росту можа быць выклікана запаволеньнем тэмпаў эканамічнага росту і завяршэньнем цэнавай вайны паміж авіяперавозьнікамі.

Летась найбольшы рост колькасьці пасажыраў быў зафіксаваны ў аэрапорце Познань-Лавіца – ажно 34%, пасажырскі рух у варшаўскім аэрапорце Окенце павялічыўся на 13%.

На авіярынку ў Польшчы дамінуюць тры авіякампаніі: Ryanair, польскі LOT і Wizz Air, на іх прыпадае 77% усіх пасажырскіх авіяперавозак. Згодна з прагнозам, польскі нацыянальны перавозьнік можа ў гэтым годзе палепшыць сваю пазыцыю на рынку.

ПР/юл