У Польшчы зьявіцца ўпаўнаважаны па пытаньнях кібэрбясьпекі

На працягу некалькіх дзён урад краіны прызначыць упаўнаважанага па пытаньнях кібэрбясьпекі. Міністар лічбавых тэхналёгій Марэк Загорскі адзначыў, што ўрад ужо мае кандыдатуру на гэтую пасаду. Таксама ў міністэрстве паведамілі, што стварэньне новага дзяржаўнага органа паспрыяе барацьбе зь кібэратакамі.

Старшыня пастаяннага камітэт пры Радзе міністраў Польшчы Яцэк Сасін заявіў падчас прэс-канфэрэнцыі, што дзякуючы створанай Міністэрствам лічбавых тэхналёгій сыстэме, Польшча гатовая пасьпяхова адбіваць кібэратакі

Упаўнаважаны ў пытаньнях кібэрбясьпекі будзе дзейнічаць пры Радзе па пытаньнях спэцслужб. Сёлета ў Навуковую і акадэмічную сець паведамлена аб 10 тысячах кібэратакаў, 3,5 тысячы зь іх прызнаныя небясьпечнымі інцыдэнтамі.