У Польшчы створаць Фонд нацыянальнай абароны

У Польшчы будзе створаны Фонд нацыянальнай абароны, — паведаміў міністар нацыянальнай абароны краіны Марыюш Блашчак на 26-й Міжнароднай выстаўцы абароннай прамысловасьці, якая з 4 верасьня праходзіць у Кельцах.

Фонд будзе папаўняцца сродкамі зь бюджэту, удакладніў міністар: «Нам важна ўмацаваць абараназдольнасьць, мадэрнізаваць Войска Польскае, каб адпавядаць патрабаваньням, якія ставіць перад намі Паўночнаатлянтычны альянс, а перш за ўсё — грамадзяне, якія хочуць жыць у бясьпечнай дзяржаве».

Марыюш Блашчак дадаў, што выстаўка ў Кельцах — гэта выдатнае месца для ацэнкі стану польскай індустрыі ўзбраеньняў і цудоўная пляцоўка для абмену думкамі аб кірунках далейшай мадэрнізацыі Войска Польскага.

IAR/вк