Ва Узброеных сілах Польшчы выкрытая група наркадылераў

Ваенная жандармэрыя затрымала 12 чалавек, якія займаліся абаротам наркотыкаў сярод польскіх жаўнераў. Частка затрыманых служыць альбо працуе ў вайсковых адзінках Узброеных сіл Польшчы.

Большасьць з іх прызналі сваю віну і ўжо даюць паказаньні, паведаміў прэс-сакратар Ваеннай жандармэрыі падпалкоўнік Артур Карпенка. Апроч гэтага, падпалкоўнік паведаміў, што падчас допыту было выяўлена каля 120 грам амфэтаміну, 25 грам сушаных канопляў, а таксама 7 канапляных саджанцаў. Імаверныя злачынцы валодалі неабходным для вырабу наркотыкаў абсталяваньнем.

Злачынная група дзейнічала на тэрыторыі Мазовіі, што ў цэнтральнай Польшчы.

Над чатырма жаўнерамі-фігурантамі справы будзе ажыцьцяўляцца ўнутрыведамасны кантроль. У сваю чаргу, адна цывільная асоба, замешаная ў нелегальным абароце наркотыкаў, ужо трапіла за краты тэрмінам на 3 месяцы.
эж