Працягваецца абмеркаваньне дзяржаўнага бюджэту Польшчы на 2018 год

На пачатку сьнежня дэпутаты прынялі некалькі дзясяткаў паправак, якія павялічваюць выдаткі дзяржбюджэту. Такім чынам былі разьмеркаваныя грошы, якія раней выдзяляліся на падрыхтоўку горада Лодзь да выставы Expo-2018. Сродкі атрымаюць муніцыпалітэты на дробныя выдаткі.

Дэпутаты вырашылі аб павелічэньні на 95 мільёнаў злотых гэтак званы агульны рэзэрв. Грошы будуць паходзіць са скарачэньняў бюджэтаў некаторых дзяржаўных установаў: Канцылярыі Сэнату, Канцылярыі Прэзыдэнта, Вышэйшага адміністрацыйнага суду, Вышэйшага суду і бюро амбудсмэнаў.

Паводле Міністэрства фінансаў, эканамічны рост Польшчы ў 2018 годзе будзе складаць 3,8%. Цэны вырастуць на 2,3%. Урад чакае, што напрыканцы гэтага году беспрацоўе будзе складаць 6,4%. Даходы дзяржбюджэту павінны перавышаць 355 мільярдаў злотых, а расходы – 397 мільярдаў злотых. Гэта азначае, што дэфіцыт перавысіць 41 мільярд злотых.

яс