22 лістапада ў Варшаве пройдзе канцэрт «Салідарныя з Беларусьсю»

Імпрэза пройдзе ў клюбе «Стадола», пачатак а 18 гадзіне, уваход бясплатны.

Усе гэтыя гады арганізатарам канцэрту зьяўляецца ініцыятыва «Свабодная Беларусь». Сёлета іх галоўнай мэтай зьяўляецца прэзэнтацыя найцікавейшых і найлепшых зьяваў беларускай музычнай сцэны. Зайграе таксама ўкраінскі гурт і тры капэлы з Варшавы. «Будзе шматкультурна, паколькі Варшава – гэта горад многіх культур і нацыянальнасьцяў», – гавораць арганізатары.

На сёлетнім канцэрце «Салідарныя з Беларусьсю» выступіць беларускі гурт арт-року TonqiXod. Яго ўдзельнікі самыя пра сябе кажуць: «сумнеўная кампанія, у аснове якой знаходзяцца ідэалы маладосьці, папсаваныя цынізмам і разьвіцьцём інфармацыйных тэхналёгій».

Сярод беларускіх удзельнікаў таксама будзе гурт з Менска The Glitchhh, які грае ў стылі experimentall\instrumental\noise\guitar. Самі музыкі кажуць, што ў сваім музычным выкананьні хацелі б ствараць электронную і танцавальную музыку.

22 лістапада выступіць таксама ўкраінскі гурт Жадан і Сабакі ды польскі – T/Aboret.

ав