В. Вашчыкоўскі знаходзіцца з візытам ва Ўкраіне

Сёньня другі дзень афіцыйнага візыту польскага міністра замежных спраў Вітальда Вашчыкоўскага ва Ўкраіну. Дыплямат усклаў кветкі між іншым на могілках абаронцаў Львова, ля мэмарыялу Украінскай Галіцкай арміі ды ўкраінскіх жаўнераў, якія загінулі на Данбасе.

Важнейшы пункт візыту – сустрэча з прадстаўнікамі мясцовых уладаў, з якімі міністар Вашчыкоўскі правядзе перамовы на тэму польска-украінскіх адносін. Акрамя гэтага, дыплямат наведае колішнюю турму на вуліцы Ланцкога ў Львове і будаўнічую пляцоўку Польскага дому. Заплянаванае наведваньне мясцовых касьцёлаў.

ПР/нг