Школьнікі зь Беларусі і Ўкраіны атрымаюць 200 школьных камплектаў

200 камплектаў для школьнікаў з польскіх семʼяў, якія пражываюць ва Ўкраіне й Беларусі, сёньня адправілі з гораду Ўроцлаў (заходняя Польшча). Вучні атрымаюць партфэлі, сшыткі, пэналы й іншыя рэчы, неабходныя для пачатку новага навучальнага году.

Пасылкі са школьнымі прыналежнасьцямі падрыхтавала каталіцкая дабрачынная арганізацыя «Карытас».

Акцыя працягваецца надалей: у бліжэйшыя пятніцу й суботу ва ўроцлаўскіх крамах валянтэры «Карытас» будуць знаходзіцца зь вялікімі кошыкамі, і кожны пакупнік зможа ў іх пакласьці неабходныя школьныя прыналежнасьці.
Сёлета аддзяленьне «Карытас» ва Ўроцлаве падрыхтуе 2 тыс. партфэляў для дзяцей з малазабясьпечаных сямей Уроцлаўскай дыяцэзіі.

вс