Польшча ўзмацняе газавую супрацу з Азэрбайджанам

У Варшаве сустрэліся міністры замежных спраў Польшчы і Азэрбайджану, Вітальд Вашчыкоўскі і Эльмар Мамадыяраў. Міністры размаўлялі пра Паўднёвы газавы калідор, які павінен дывэрсыфікаваць крыніцы паставак газу ў Эўропу.

«Мы спадзяемся, што сустрэча прэзыдэнтаў пасьля многіх гадоў прывядзе да аднаўленьня нашых палітычных, гаспадарчых, ваенных стасункаў, паколькі ў нас ёсьць вялікі патэнцыял для супрацы», – сказаў азэрбайджанскі міністар. Вітальд Вашчыкоўскі выказаў спадзяваньне, што прэзыдэнты абедзьвюх краін падпішуць дэклярацыю аб стратэгічнай супрацы.

Польскі міністар зазначыў, што падчас размовы закраналіся ня толькі эканамічныя пытаньні, але таксама супраца на міжнародных форумах.

ав