Падрыхтоўка да Міжнароднага авіяшоў у Радаме зацягваецца

Авіяшоў заплянаванае на апошнія выходныя жніўня. Запрашэньні атрымалі 30 дзяржаваў. Мерапрыемства арганізуе войска й гарадзкія ўлады горада Радама ў цэнтральнай Польшчы.

Пагадненьнем дакладна вызначаюцца абавязкі партнэраў. Войска адказвае за праграму ды ўдзел польскіх і замежных каманд. Муніцыпальныя ўлады забясьпечваюць бясьпеку й парадак.

«Адсутнасьць дакумэнту ўскладняе й зацягвае падрыхтоўку», – зазначае прадстаўнік гарадзкіх уладаў Матэвуш Тычыньскі. Праблема заключаецца ў працяглых перамовах паміж арміяй і Міністэрствам нацыянальнай абароны па пытаньні фінансаваньня авіяшоў.

Двухдзённыя авіяпаказы прыцягваюць у Радам 200 тысяч турыстаў штогод. Сёлетняя міжнародная імпрэза Air Show павінна стаць 15-й па ліку.

яс