У Польшчы сёньня адбыліся пратэсты працаўнікоў пошты

Акцыя была арганізаваная шараговымі працаўнікамі, а не прафсаюзамі. Працаўнікі пошты патрабуюць павышэньня зарплаты на 1000 злотых (250 даляраў). Цяпер зарплата паштальёна складае 375 даляраў.

«У нашых сумках усё больш лістоў, але таксама пачуцьця крыўды і несправядлівасьці», – гаварыў адзін з паштальёнаў, якія сабраліся перад будынкам Польскай пошты ў Аполі.

Пратэсты працаўнікоў адбываліся ў 20 польскіх гарадах. У красавіку ў Варшаве плянуецца вялікая дэманстрацыя.

Улады Польскай пошты выдалі заяву, у якой пішуць пра прапановы новых прынцыпаў выплаты прэміяльных. Згодна зь імі, працаўнікі пошты і паштальёны маглі б атрымаць каля 180 даляраў прэміі ў квартал.

ав