„Польскі варыянт” – супольны праект польскага і ўкраінскага радыё

Кожную раніцу на хвалі ўкраінскага Грамадзкага радыё можна паслухаць перадачы „Польскі варыянт”. Гэта паўгадзінны інфармацыйна-публіцыстычны блёк, які рыхтуюць у Варшаве журналісты Ўкраінскай сэкцыі Польскага радыё. Інфармацыя з Польшчы, гэта для ўкраінцаў прывабны прадукт.

Перадачу можна слухаць у Кіеве, Днепрапятроўску, але й, напрыклад, у многіх месцах у Данбасе.

Галоўны рэдактар украінскага Грамадзкага радыё Кірыл Лукарэнка пераконвае, што ўкраінскія слухачы зацікаўлены ў інфармацыі з Польшчы.

„Польшча – гэта важная для Ўкраіны краіна, а тое, што ў ёй адбываецца непасрэдна датычыць таксама ўкраінцаў”, - кажа журналіст.

Ён дадае, што для ўкраінцаў важная польская пэрспэктыва агляду міжнародных падзеяў, у тым ліку, паведамленьні ад карэспандэнтаў з усяго сьвету, якія працуюць для польскай грамадзкай радыёстанцыі.

„Польскі варыянт” закранае таксама тэмы, датычныя польска-ўкраінскіх адносін. Перадача трансьлюецца штодзённа а 7-й раніцы паводле ўкраінскага часу.

аз