Польскі дзень на Expo 2015 у Мілане

Сёньня Польскі дзень на сусьветнай выставе Expo ў Мілане. Ён пачаўся паказам экспазыцыі «Польскі стол», на якім прадстаўлены 33 прадукты, зьвязаныя з культурай спажываньня ежы ў Польшчы.

Наведвальнікі могуць пазнаёміцца зь вядомымі польскімі брэндамі. Выстава прадстаўляе таксама польскую мэблю – сталовыя крэслы, фатэлі і пуфікі. На прадметы была накладзена адмысловая анімацыя, якая прадстаўляе рухі далоні. Такім чынам экспазыцыя пераўтвараецца ў тэатар руху. Адпаведна падрыхтаваная гукавая дарожка падкрэсьлівае ілюзію ўдзелу ў віртуальным застольлі.

З афіцыйнай дэлегацыяй на выставу адправіўся віцэ-прэм'ер міністар эканомікі Януш Пехаціньскі.

Польскі павільён на Expo 2015 наведала да гэтае пары больш за 920 тыс. гасьцей.

Інфармацыйнае радыёагенцтва/нг