Немцы хваляць Туска

Нямецкі тыднёвік „Der Spiegel” вельмі хваліць былога польскага прэм’ера Дональда Туска, які праз тыдзень заступае на пасаду старшыні Эўрапейскай рады. Выданьне падкрэсьлівае, што ў новай ролі яму прыйдзецца шукаць кампрамісы, якія задавольняюць усе краіны ЭЗ. Роля перамоўцы падыходзіць да палітычнага стылю Туска. На думку аўтара тэксту, Туск – гэта падобны тып палітыка, як Ангела Мэркель: праэўрапейскі, прагматычны, схільны да кампрамісу.

„Der Spiegel” піша, што Туск пакідае Польшчу ў ролі пераможцы, якому ўдалося абараніць польскую эканоміку ад крызысу. Дзякуючы яму Польшча зьмянілася ў ЭЗ з аўтсайдэра ў сур’ёзнага партнэра. Яму ўдалося наладзіць добрыя адносіны з Нямеччынай, і таксама ён разумее небясьпеку з боку імпэрскіх памкненьняў Расеі.

ПР/нг