У Польшчу прыедуць дадатковыя жаўнеры NATO

У Польшчу прыедуць некалькі соцень жаўнераў NATO. Пра гэта заявіў прэзыдэнт Польшчы Браніслаў Камароўскі на саміце альянсу ў брытанскім горадзе Ньюпорт. Альянс разьмесьціць у Цэнтральнай і Ўсходняй Эўропе каля 2,5 тысячаў жаўнераў сілаў хуткага рэагаваньня. Частка зь іх папоўніць склад Міжнароднага корпусу “Паўночны Ўсход”, які разьмяшчаецца ў польскім горадзе Шчэцін.

Акрамя таго, на саміце ў Ньюпорце кіраўнікі дзяржаў NATO вырашылі стварыць сілы неадкладнага рэагаваньня. Пакуль палітычныя лідары не прынялі рашэньня, дзе размесьцяць гэтыя вайсковыя часткі. Як адзін з верагодных варыянтаў разглядаецца Польшча.

Сілы неадкладнага рэагаваньня NATO будуць налічваць 4-5 тысячаў жаўнераў. Разьмесьцяцца яны ва ўсходніх краінах Альянсу. У выпадку пагрозы, яны павінныя быць гатовыя да дзеяньняў на працягу 2-5 дзён.

IAR/ап