Паўднёвая кальцавая Варшавы адчынена

Будаўнікам засталіся толькі дробныя ўпарадкаваньні.

Учора сталічныя кіроўцы змаглі скарыстацца чарговым адрэзкам паўднёвай кальцавой Варшавы. Міністар транспарту Славамір Новак паведаміў праз Twitter, што каля трох кілямэтраў хуткай дарогі паміж вузламі аэрапорт і вуліца Пулаўская будзе даступна для руху пасьля 22.00. Апошні кавалак Паўднёвай кальцавой Варшавы атрымаў у сераду зялёнае сьвятло, то бок дазвол на здачу ў карыстаньне ад будаўнічага нагляду.

Малгажата Тарноўска зь Генэральнай дырэкцыі нацыянальных дарог і аўтастрад сказала, што будаўнікам трэба будзе правесьці толькі касмэтычныя працы, як маркіроўка ды ўмацаваньне прыладаў бясьпекі дарожнага руху.

Цяпер Паўднёвая кальцавая дарога налічвае каля 20 км.На наступныя адрэзкі ў напрамку мікрараёнаў Урсынаў ды Вавэр давядзецца пачакаць яшчэ прынамсі пяць гадоў.

юл