МЗС Беларусі хлусіў Камітэту ААН
PR dla Zagranicy
Anna Zadrożna
05.04.2012 11:17
У дзень расстрэлу Кавалёва МЗС пісаў Камітэту ААН пра прыпыненьне выкананьня прысуду.
Фота: svaboda.org
Любоў Кавалёва, маці расстралянага Ўладзіслава Кавалёва, і яго сястра Тацьцяна Казяр атрымалі інфармацыю з Упраўленьня Вярхоўнага камісара па правах чалавека.
Гэтая інфармацыя была накіравана прадстаўнікамі ўраду РБ пры аддзяленьні ААН у Жэнэве яшчэ 15-га сакавіка 2012 году – у той самы дзень, калі Ўладзіслаў Кавалёў быў расстраляны.
Прадстаўнікі Беларусі праінфармавалі Камітэт па правах чалавека аб тым, што наглядная скарга Кавалёва пададзена ў Вярхоўны суд, Аляксандар Лукашэнка разглядае яго прашэньне аб памілаваньні. Пакуль гэта ня будзе разгледжана, выкананьне сьмяротнага прысуду будзе прыпынена.
У інфармацыі аспрэчвалася прымальнасць скаргі па справе Ўладзіслава Кавалёва, а таксама сутнасьць прэтэнзій дадзенай скаргі.
Бліжэйшым часам маці й сястра накіруюць у Камітэт ААН па правах чалавека свае абвяржэньні гэтай несапраўднай і абуральнай інфармацыі.
spring96.org/аз