“Зварот хрысьціянкі” - экстрэмісцкі

Берасьцейскі раённы суд прызнаў экстрэмісцкай брашуру Алены Гнаўк, якую аўтарка разаслала ў розныя дзяржаўныя ўстановы.

Паколькі Алена Гнаўк не знайшла 6 мільёнаў, каб правесьці новую экспэртызу ў Інстытуце філязофіі Акадэміі навук, суд разглядаў справу па ранейшай экспэртызе, аўтарства Берасьцейскага дзяржаўнага ўнівэрсытэту, якую раней заказала пракуратура.

У сваёй брашуры “Асобная думка, або зварот хрысьціянкі”, Алена Гнаўк прадставіла свае погляды на тое, “як уладам і апазыцыі выйсьці са становішча, якое цяпер склалася”. Гэтую брашуру жанчына выдала накладам 200 асобнікаў і накіравала ў розныя міністэрствы й ведамствы.

Аднак па ініцыятыве КДБ пракуратура Берасьцейскай вобласьці накіравала пазоў у Берасьцейскі раённы суд, каб прызнаць выданьне экстрэмісцкім.

svaboda.org/аз