Аўтобус зь Беларусі трапіў у ДТЗ пад Адэсай

Рэйсавы аўтобус сутыкнуўся з бэтонамяшалкай на трасе Кіеў – Адэса, піша tut.by. Здарэньне адбылося 2 ліпеня ў 23.20 на мосьце праз Хаджыбейскі ліман.

Паводле папярэдняй інфармацыі, кіроўца КамАЗа не ўзяў да ўвагі бакавы інтэрвал і зьдзейсьніў сутыкненьне з спадарожным аўтобусам Neoplan, які накіроўваўся па маршруце Менск – Адэса.

У выніку ДТЗ аўтобус апынуўся заціснуты паміж мэталічным адбойнікам і бэтонамяшалкай. Паліцыянты супольна з кіроўцам прынялі пастанову разьбіць лабавое шкло аўтобуса і эвакуяваць людзей.

У аварыі ніхто не пацярпеў. Па пасажыраў прыбыў іншы аўтобус, які даставіў іх у Адэсу. На кіроўцу бетонамяшалкі склалі адміністрацыйны пратакол.

эж