Пуцін павіншаваў Беларусь зь Днём незалежнасьці

Надзвычайны і паўнамоцны амбасадар Беларусі ў Расеі Ўладзімір Сямашка ўручыў даверныя граматы прэзыдэнту Расеі Уладзіміру Пуціну, перадае тэлеканал "Белсат", спасфылаючыся на расейскія крыніцы.

«Беларусь – найбліжэйшы саюзьнік Расеі, – адзначыў Пуцін на імпрэзе ў Крамлі, – Карыстаючыся выпадкам, хацеў бы яшчэ раз павіншаваць беларускі народ і кіраўніцтва рэспублікі з дзяржаўным сьвятам – Днём незалежнасьці. У гэты дзень 3 ліпеня 75 гадоў таму ад нямецка-фашысцкіх захопнікаў быў вызвалены Менск. Сёлета праводзяцца шматлікія мерапрыемствы, прысьвечаныя 20-годдзю Саюзнай дзяржавы. Мы настроены на далейшае разьвіцьцё шчыльных інтэграцыйных сувязей з беларускімі партнэрамі. Гэтая тэматыка будзе абмяркоўвацца ў ходзе перагавораў з прэзыдэнтам Беларусі Аляксандрам Рыгоравічам Лукашэнкам, якія заплянаваныя ў прывязцы да VI пасяджэньня Форуму рэгіёнаў дзьвюх краінаў 18 ліпеня ў Санкт-Пецярбургу».

Аляксандар Лукашэнка прызначыў Сямашку амбасадарам у Расеі 13 лістапада 2018 года. З 10 верасьня 2012-га да 18 жніўня 2018 года амбасадарам Беларусі ў Маскве быў Ігар Петрышэнка.

эж