Апазыцыянэры прыйшлі ў фан-зону гульняў з пратэстам супраць Расеі

Увечары 21 чэрвеня некалькі чалавек прыйшлі ў фан-зону Эўрапейскіх гульняў на праспэкце Пераможцаў каля Палаца спорту. Яны трымалі плякаты „Беларусь не Расея”, „Адчапіцеся ад нас са сваёй інтэграцыяй”, „Пуцін! Мы не адзін народ” ды іншыя, паведамляе блёгер NEXTA.

Мяркуючы па подпісах на плякатах, акцыю зладзілі прыхільнікі „Народнай Грамады” Мікалая Статкевіча.

Сам Статкевіч удакладніў, што ў акцыі ўдзельнічалі Валянцін Троцкі, Сяргей Спарыш і Рыгор Пагарцаў.

Пра тое, што пазьней адбылося з затрыманымі паведаміла „Свабода”, спасылаючыся на Фэйсбук палітыка Міколы Статкевіча.

„Усе нашы хлопцы, якія пратэставалі супраць анэсіі, ужо на волі(...)Хлопцы ў добрым настроі. Толькі вопратку ім парвалі пры затрыманьні”, - напісаў Статкевіч.

аз