Жыхара Пінскага раёну пакаралі за тое, што вазіў спадарожнікаў праз blablacar

Эканамічны суд Берасьцейскай вобласьці аштрафаваў жыхара Пінскага раёну за тое, што ён за грошы набіраў спадарожнікаў праз сайт blablacar.ru, паведамляе Радыё «Свабода».

У падатковай інспэкцыі вывучылі ягоны профіль на сайце й налічылі 80 паездак.

Колькі зарабіў паляшук на паездках, падатковікі ня высьветлілі.

За прадпрымальніцкую дзейнасьць без рэгістрацыі суд пакараў кіроўцу штрафам — 127 рублёў 50 капеек.

Машыну ў яго не сканфіскавалі, бо ён трапіўся праваахоўнікам упершыню й прызнаў віну.

Летась у Берасьцейскай вобласьці разгледзелі 40 падобных справаў, сёлета — 13. Найчасьцей судзілі кіроўцаў, што карысталіся прыкладаньнем TaxeeDriver, а таксама сайтамі beepcar.ru і blablacar.ru. Машыны ні ў кога не сканфіскавалі.

вс