Лукашэнка сустрэўся ў Менску з Кучмам

Беларускі кіраўнік правёў асабістую сустрэчу з прадстаўніком Украіны ў трохбаковай кантактнай групе Леанідам Кучмам, перадае БЕЛТА.

Аляксандр Лукашэнка і Леанід Кучма цёпла прывіталі адзін аднаго. Вялікая частка беларусаў з задавальненьнем успрынялі прыезд Кучмы ў Беларусь, заявіў беларускі кіраўнік. Кучма адказаў, што здаўна добра ставіўся да Беларусі.

Падчас сустрэчы беларускі кіраўнік адзначыў разьвіцьцё двухбаковага супрацоўніцтва з Украінай. Летась тавараабарот склаў 5,5 мільярдаў даляраў, гэта аснова асноў, – сказаў Лукашэнка. Гэта спрыяе захаваньню даверанага характару беларуска-ўкраінскіх адносін. Падыходы ў беларусаў да Украіны і ўкраінцаў не зьмяніліся, – падкрэсьліў беларускі лідэр.

Лукашэнка папрасіў Кучму падзяліцца сваім палітычным вопытам. Маўляў ён адмыслова перанёс сваю камандзіроўку, каб сустрэцца з былым украінскім прэзыдэнтам і абмеркаваць пытаньні, якія павінны вырашацца ў двухбаковым, а можа, і шматбаковым фарматах«, – рэзюмаваў Аляксандр Лукашэнка.

юл