Беларусы пасадзілі мільёны дрэваў

Акцыю ладзіла Міністэрства лясной гаспадаркі. У выніку было пасаджана больш за 29 мільёнаў дрэў на плошчы 6722 га.

Асноўнымі пародамі традыцыйна сталі сасна, елка і бяроза. У акцыі прынялі ўдзел больш за 52 тысяч чалавек. Добраахвотнікі працавалі на 2613 абʼектах.

Акрамя пасадкі лесу валянтэры займаліся прыбіраньнем сьмецьця і захламленасьці (усяго было прыбрана 2905 куб. м.), працавалі ў месцах масавага адпачынку (да летняга сэзона было падрыхтавана 207 абʼектаў).

Яшчэ адным вынікам акцыі стала зьяўленьне ў краіне 100 алей памяці. Лясныя культуры былі пасаджаны ў гонар выдатных людзей Беларусі.

Добраахвотная акцыя «Тыдзень лесу» праходзіла ў Беларусі 13-20 красавіка. У гэтым годзе акцыя прайшла 12-ы раз. Мерапрыемства было прымеркавана да Года малой радзімы і 75-годдзя вызваленьня Беларусі ад гітлераўцаў.

Галоўная мэта – прыцягненьне ўвагі грамадзкасьці да неабходнасьці беражлівага стаўленьня да ляснога фонду.

Паводле Белта/юл