Памежнікі спынілі кантрабанду цыгарэт з выкарыстаньнем дрона

15 красавіка 1,5 кілямэтра ад мяжы памежнікі затрымалі двух жыхароў Горадні. 31 і 32-гадовыя гарадзенцы выкарыстоўвалі дрон для перамяшчэньня цыгарэт праз беларуска-польскую мяжу. Для гэтага яны перарабілі квадракоптар саматужным спосабам, паведамляе Дзяржпагранкамітэт.

Мужчын прыцягнулі да адміністрацыйнай адказнасці па ч. 1 арт. 23.30 КаАП Беларусі за парушэньне памежнага рэжыму, а менавіта за незаконнае выкарыстаньне лятальнага апарата ў межах памежнай зоны не паведаміўшы органаў памежнай службы. Ім пагражае штраф да 50 базавых, або 1275 рублёў.

Дрон і 8 блокаў цыгарэт перададзены супрацоўнікам мытні.

nn.by/яс