Беларуская дзяржава аздаровіць 700 тысяч чалавек

Сёлета 700 тысяч чалавек у Беларусі змогуць скарыстацца з аздараўленьня за дзяржаўны кошт – з выкарыстаньнем сродкаў рэспубліканскага бюджэту і фонду дзяржаўнага сацыяльнага страхаваньня. На адпачынак беларусаў запрашаюць санаторыі ды лягеры Беларусі, а таксама здраўніцы ў Сочы, Юрмале, Друскінках, Туапсэ, Місхоры, якія знаходзяцца ва ўласнасьці беларускай дзяржавы.

Пра гэта паведаміў дырэктар Рэспубліканскага цэнтра па аздараўленьні і санаторна-курортным лячэньні насельніцтва Генадзь Балбатоўскі ў эфіры беларускай тэлевізіі. 80% выдзеленых фінансаў будуць накіраваныя на аздараўленьне дзяцей. Больш за 390 тысяч чалавек змогуць адпачыць у лягерах рознага тыпу.

Першачарговае права на бясплатныя пуцёўкі будзе прадстаўлена ўдзельнікам Вялікай Айчыннай вайны і прыраўнаваным да іх асобам. Яны змогуць адпачыць у санаторыях.

Іншыя грамадзяне могуць атрымаць санаторна-курортнае лячэньне за аплату.

Паводле Белта/юл