У Берасьці адбылася эксгумацыя 1214 ахвяр Галакосту

У яме памерамі 4 на 40 мэтраў знойдзеныя парэшткі 1214 ахвяр Галакосту.

Нацысты забілі габрэяў ды пахавалі на глыбіні каля пяці мэтраў. Брацкая магіла была выяўлена раней у гэтым годзе падчас будаўнічых прац.

На месца былі выкліканыя жаўнеры спэцыялізаванага пошукавага батальёна, якія правялі эксгумацыю.

Выяўленыя парэшткі перапахаваюць на мясцовых могілках «Паўночныя», побач з помнікам ахвярам Галакосту. На месцы, дзе былі знойдзеныя парэшткі ахвяраў гета будзе створаная створана зялёная зона.

Да вайны ў Берасьці жыло каля 24 000 габрэяў. Берасьцейскае гета было створана нацыстамі ў сьнежні 1941 года. У наступным годзе, гітлераўцы расстралялі каля 17 тысяч габрэяў за межамі горада, і каля 5000 у гета. Уратаваліся адзінкі.

ПР/юл