У Беларусі дапыталі старшыню Саюза палякаў

Старшыню непрызнанага ўладамі Саюза палякаў у Беларусі Анжаліку Борыс дапыталі супрацоўнікі гарадзенскай міліцыя. Справа тычыцца арганізацыі штогадовага мерапрыемства «Гарадзенскія Казюкі». Гэта сьвята рамесьнікаў у гонар сьвятога князя Казіміра.

Як і ў папярэднія гады, сёлета сьвята прайшло на прыватнай тэрыторыі, у двары былога фабрычнага будынку, у якім месьціцца Генэральнае консульства Польшчы ў Гародні, а таксама шэраг прыватных кампаній. Там таксама знаходзіцца кабінэт Анжалікі Борыс. Міліцыянты прыйшлі да яе ў цывільным, каб пацікавіцца асаблівасьцямі арганізацыі дадзенага мерапрыемства.

Далей можа быць толькі суд і пакараньне, – сказала Польскаму радыё Анжаліка Борыс. Падобным чынам у 2008-м годзе лідарка польскай меншасьці ў Беларусі перасьледавалася за арганізацыю недазволенай уладамі культурнай падзеі.

Яе абвінавацілі ў арганізацыі Гарадзенскага канцэрту легендарнага польскага гурта «Lombard», які сьпяваў для палякаў Гародні з нагоды Дня польскай дыяспары і палякаў за мяжой.

ПР/юл