У Беларусі расьце інфляцыя

У Беларусі паскараецца рост гадавой інфляцыі, такія дадзеныя апублікаваў Нацыянальны банк.

Гадавая інфляцыя ў Беларусі паскорылася ў лютым да 6,2%. Гэты паказчык на 0,4% вышэй, чым быў у студзені. Пры гэтым улады прагназуюць гадавую інфляцыю не вышэй за 5%(сьнежань да сьнежня).

Найменш з пачатку году даражэюць прадукты з гародніны, падлічылі ў Нацбанку. Гэтая група тавараў дадала ў кошце 0,3%. «Найбольш значны рост працягнулі дэманстраваць прадукты харчаваньня, у вытворчасьці якіх выкарыстоўваюцца збожжавыя культуры», — тлумачаць спэцыялісты галоўнага банку краіны.

Улады прагназуюць, што па выніках першага квартала рост коштаў не павінен перавысіць 2,7% да сьнежня 2018 года, другога — 3,5%, трэцяга — 3,7%, а ў канцы года — 5%.

Паводле Радыё «Свабода»/юл