Камісія ў Барысаве выкрасьліла зь ліку «дармаедаў» каля 1800 чалавек

«Дармаедзкая» камісія пры Барысаўскім райвыканкаме з 4 ліпеня 2018 года па 6 сакавіка 2019-га правяла 44 пасяджэньні. У выніку 1780 чалавек былі прызнаныя занятымі ў эканоміцы, бо падалі «даведкі, зьвесткі й інфармацыю», піша ex-press.by.

Яшчэ 93 чалавекі не змаглі падаць у камісію адпаведных дакумэнтаў, але былі вызваленыя ад максымальнай аплаты гарачай вады, бо знаходзяцца ў цяжкай жыцьцёвай сытуацыі.

Дарэчы, з 1015 чалавек, запрошаных на пасяджэньні, камісія здолела ўладкаваць на працу толькі 133 чалавек.

эўрарадыё/вс