Амбасада ЗША не паўдзельнічае ў Менскай кніжнай выставе

Дыпляматычнае прадстаўніцтва ЗША не наведае Менскую міжнародную кніжную выставу-кірмаш, паведамляе інтэрнэт-партал tut.by.

Выстава пройдзе 6-10 лютага. Плянавалася, што Злучаныя Штаты стануць сёлета ганаровым госьцем выставы. Аднак амэрыканская амбасада адмовілася ад гэтага праз «шатдаўн».

Акрамя таго, дыпляматычнае прадстаўніцтва заявіла, што праз «шатдаўн» вымушанае згарнуць усю сваю грамадзкую дзейнасьць. Выключэньне будзе рабіцца толькі для надзвычайных сытуацый, зьвязаных зь бясьпекай жыцьця людзей і абаронай уласнасьці.

Дыпляматы запэўніваюць, што праца над сумеснымі праектамі ў сфэры культуры працягнецца, калі адновіцца праца амэрыканскага ўрада.

euroradio.fm/эж