У аэрапорце Менск затрымалі двух пакістанцаў з фальшывымі пашпартамі

8 студзеня ў Нацыянальным аэрапорце Менск памежнікі затрымалі двух 34-гадовых пакістанцаў, якія прыбылі рэйсам з Алматы, паведамляе прэс-служба Памежнага камітэта.
Маладыя людзі ляцелі празь Менск транзытам у Хэльсінкі. Супрацоўніку службы сэрвісу аэрапорта яны паказалі пашпарты з прыкметамі частковай падробкі – у дакумэнтах былі замененыя некаторыя старонкі. Сапраўдныя дакумэнты пакістанцаў, як высьветлілася падчас праверкі, ляжалі ў іх асабістых рэчах.
Замежнікаў затрымалі й зьмясьцілі ў ІЧУ.

Ім пагражае адміністрацыйная адказнасьць за парушэньне правілаў знаходжаньня й крымінальная – за выкарыстаньне заведама падложных дакумэнтаў. За гэта мужчынам пагражае да двух гадоў абмежаваньня свабоды.

эўрарадыё/вс