У 2018 годзе беларусы ўзялі крэдытаў на рэкордныя 11,4 млрд рублёў

За 11 месяцаў 2018 года беларусы ўзялі ў банках крэдытаў на рэкордныя 11,38 млрд рублёў. Пра гэта сьведчаць зьвесткі Нацыянальнага банку краіны па стане на 1 сьнежня. За лістапад агульная сума крэдытаў насельніцтву, у тым ліку спажывецкіх крэдытаў, пазык на куплю жыльля і аўтамабіляў, карт растэрміноўкі – павялічылася на 216,3 млн руб.

Даўгі фізычных асоб па спажывецкіх крэдытах на 1 сьнежня вырасьлі на 108,5 млн руб да 4,28 млрд.

Пазыкі на фінансаваньне нерухомасьці на пачатак сьнежня павялічыліся на 107,6 млн рублёў і перавысілі 7 млрд рублёў, склаўшы 7,11 млрд рублёў.

тэлеграф/вс