3 тоны каўбасы канфіскавалі ў прадпрымальніка ў Віцебскай вобласьці

Супрацоўнікі міліцыі канфіскавалі каля 3,6 тоны каўбасных вырабаў розных вытворцаў у індывідуальнага прадпрымальніка з Аршанскага раёна.

Па дадзеных УУС Віцебскага аблвыканкама, аўтамабіль «Івека» з таварам спынілі для праверкі на аб'язной аўтадарозе каля вёскі Завольша Лёзненскага раёна. Груз прызначаўся для збыту ў Смаленску.

Кіроўца ня змог падаць усе неабходныя дакумэнты, таму партыю каўбасы на суму 12 тысяч рублёў канфіскавалі. На мужчыну склалі пратакол аб адміністрацыйным правапарушэньні.

naviny.by/яс