У Менску згадваюць Адама Міцкевіча

Імпрэза ладзіцца з нагоды 220-годдзя з дня нараджэньня Адама Міцкевіча пры падтрымцы Пасольства Рэспублікі Польшча ў Рэспубліцы Беларусь і Польскага Інстытута ў Мінску. Гаворыць дырэктар Інстытута польскага ў Менску Цэзары Карпіньскі.

Цэзары Карпіньскі: Набліжаецца чарговая гадавіна народзін Адама Міцкевіча. Беларусь – гэта важнае месца для яго. Сёлета мы хацелі адзначыць гэтую падзею супольна з акторамі менскіх тэатраў у форме спэктакля, які грунтуецца на трэцяй часцы «Дзядоў». Дадаткова мы супрацоўнічаем з Музэем Янкі Купалы і хацелі згадаць пра перакладніцкую дзейнасьць беларускага паэта, асабліва ягонымі перакладамі паэзіі Адама Міцкевіча.

Падчас імпрэзы прагучаць урыўкі з паэтычнага рамана Адама Міцкевіча «Конрад Валенрод» на мове арыгінала і ў перакладзе. Таксама госьці Купалавага дому ўбачаць фрагмэнты спэктакля «Дзяды» па аднайменным творы Адама Міцкевіча ў выкананьні актораў «Тутэйшага тэатра» і «Тэатра Ч» у перакладзе на беларускую мову Сержа Мінскевіча.

ПР/юл