БХД прапануе канцэпцыю рэформ беларускай мэдыцыны

Прадстаўнікі партыі БХД заявілі, што на сёньняшні дзень беларуская сыстэма аховы здароўя сутыкаецца з сур’ёзнымі праблемамі.

Найбольш вострыя гэта: узрастаньне нагрузкі на мэдыцыну, архаічная структура кіраваньня, недахоп мэдпрацаўнікоў ды ды хранічнае недафінансаваньне мэдыцыны.

У зьвязку з гэтым БХД прапануе рэфармаваць беларускую мэдыцыну як мага хутчэй, каб павялічыць якасьць і эфэктыўнасьць мэдычнай дапамогі.

Дзеля гэтага партыя ў першую чаргу заклікае зьменшыць нагрузкі на дзяржаўную сыстэму аховы здароўя, разьвіваць сэктар прыватных мэдычных паслуг, умацоўваць амбуляторнае зьвяно ды паліклінікі, а таксама зьмяніць фінансаваньне сыстэмы аховы здароўя.

Партыя запрашае экспэртаў да абмеркаваньня прапанаванай канцэпцыі рэформы беларускай мэдыцыны.

Паводле БХД/юл