Нацбанк хоча прадаць непатрэбную маёмасьць у рэгіёнах

Нацыянальны банк Беларусі па выніку аптымізацыі функцый і структуры пазбаўляецца ад лішняй нерухомасьці ў Горадні, Віцебску й Магілёве. Пра гэта гаворыцца ў прапанове рэгулятара для камэрцыйных банкаў.

У Горадні Нацбанку належыць службовы будынак агульнай плошчай амаль 3 тыс. квадратных мэтраў коштам 245,8 тыс. рублёў, у Магілёве – 3,4 тыс. квадратных мэтраў за 1,183 млн рублёў, у Віцебску – 7,6 тыс. квадратных мэтраў (не лічачы невялікай прыбудовы й гаража) за 2 млн рублёў, паведамляе TUT.by.

Пры зацікаўленасьці рынкавы кошт аб'ектаў нерухомасьці вызначаць дадаткова, заявілі ў рэгулятары.

тэлеграф/вс