Пад Горадняй маланка запаліла касьцёл
PR dla Zagranicy
Viktar Korbut
15.08.2018 14:00
Касьцёл у Гожы, вёсцы пад Горадняй, загарэўся ўвечары 14 жніўня.
Касьцёл у Гожы. Тушэньне пажаруФота: Hrodna.life
Касьцёл у Гожы, вёсцы пад Горадняй, загарэўся ўвечары 14 жніўня. Паводле папярэдняй інфармацыі, пажар пачаўся ад удару маланкі. Тушыць агонь прыехалі 6 пажарных разьлікаў.
Паводле інфармацыі Гарадзенскага ўпраўленьня МНС, узгараньне адбылося ў электрашчытавой храма, што знаходзіцца ў закрыстыі. Агонь пашкодзіў службовыя памяшканьні храма, дзе захоўваліся архівы і дакумэнты касьцёла. Начыньне і ўнутранае ўбраньне касьцёла не пацярпелі.
Касьцёлу ў Гожы ў наступным годзе споўніцца 150 гадоў. Апошні раз ён гарэў падчас Другой сусьветнай вайны.
Hrodna.life/вк