Міністар інфармацыі Беларусі хоча ўзяцца за фрылансераў

Міністар інфармацыі Беларусі Аляксандар Карлюкевіч мае намер вярнуцца «да тэрміналёгіі ў дачыненьні да ўдзельнікаў мэдыйнай прасторы». «Трэба вярнуцца да разгляду самога тэрміна «фрылансер», – заявіў ён у інтэрвію праграме «Тыдзень» на СТВ.

Паводле яго слоў, неабходна ўнесьці «пэўныя ініцыятывы» адносна фрылансераў. Пры гэтым міністар паабяцаў «вельмі шырока прыслухоўвацца» да журналісцкай супольнасьці ў вывучэньні ўсіх пазыцый.

Як адзначаюць незалежныя СМІ, з вуснаў міністра інфармацыі не прагучала ніводнага слова камэнтара да гучнай справы затрыманьня журналістаў па гэтак званай справе БелТА.

Тэлеграф/ав