Габрэйскія надмагільлі адвязуць да мэмарыялу на былых габрэйскіх могілках

Надмагільныя пліты, якія знайшлі на будоўлі паміж плошчай Незалежнасьці і Ленінградзкай вуліцай, зьвязуць да мэмарыялу на былых габрэйскіх могілках на вуліцы Сухой.

Габрэйскія надмагільлі знайшлі 28 траўня падчас руйнаваньня фундамэнту колішняга корпусу БДУ, які месьціўся паміж плошчай Незалежнасьці і Ленінградзкай вуліцай. У мінулым непадалёк былі Першыя габрэйскія могілкі – іх зьнесьлі для стадыёну «Дынама».

Старшыня рэспубліканскага фонду «Галакост» і дырэктар музэю гісторыі і культуры габрэяў Вадзім Акапян лічыць, што каб камяні не валяліся, неабходна рабіць лапідарый сьцяну з замураванымі надмагільлямі.

Цягам апошніх трох-чатырох гадоў надмагільныя камяні, якія знаходзяць падчас будоўляў, звозяць да мэмарыялу на былых габрэйскіх могілках на вуліцы Сухой.

svaboda.org/tut.by/яс