Рассельгаснагляд адмяніў абмежаваньні адносна трох беларускіх прадпрыемстваў

Рассельгаснагляд з 11 мая адмяніў уведзеныя раней абмежаваньні на пастаўкі ў Расею прадукцыі зь беларускіх прадпрыемстваў «Старфуд», Верхнядзьвінскага масласырзаводу й Лунінецкага малочнага заводу.

Аднак, заявілі ў ведамстве, у сувязі з выяўленьнем неадпаведнасьцяў прадукцыі жывёльнага паходжаньня нормам і патрабаваньням Расеі й ЭАЭС, у дачыненьні да двух беларускіх прадпрыемстваў уведзены рэжым узмоцненага лябараторнага кантролю.

У прыватнасьці, гэтыя меры закранулі фірму «Мясапрадукты», у ялавічыне якой быў выяўлены бэнзілпэніцылін, і птушкафабрыку «Світанак», у мясе птушкі якой знайшлі бактэрыі групы сальманэла.

тэлеграф/вс