Беларускія мытнікі затрымалі буйную партыю катрабанднай садавіны

Віцебскія мытнікі спынілі ўвоз у Расею больш як 35 тон агародніны і садавіны, паведамляе Дзяржаўны мытны камітэт.

У ходзе правядзеньня спэцыяльнага мерапрыемства супрацоўнікамі аддзела па барацьбе з кантрабандай Віцебскай мытні ва ўзаемадзеяньні з органамі МУС паблізу дзяржаўнай мяжы ў Расонскім раёне было затрымана пяць грузавых транспартных сродкаў. Аўтамабілі, якімі кіравалі грамадзяне Расеі, Беларусі і Азэрбайджана, накіроўваліся ў Расейскую Фэдэрацыю.

Паводле дадзеных мытнікаў, у прычэпах перавозіліся сьвежыя яблыкі, таматы і пэкінская капуста. У ходзе праверкі выяўлена, што на 35,5 тоны тавару адсутнічалі неабходныя суправаджальныя дакумэнты, у тым ліку абавязковыя пры перамяшчэньні прадукцыі фітасанітарныя сэртыфікаты.

Па гэтых фактах Віцебскай мытняй пачаты працэс аб адміністрацыйным правапарушэньні. Кіроўцам пагражае штраф да 30 базавых велічынь.

паводле Белапан/эж