МВФ бачыць рызыкі новай дэвальвацыі ў Беларусі

Міжнародны валютны фонд бачыць рызыкі новай дэвальвацыі ў Беларусі. Пра гэта 28 сакавіка ў Менску на канфэрэнцыі агенцтва Fitch Ratings, прысьвечанай макраэканамічнай сытуацыі й банкаўскаму сэктару Беларусі, заявіў Бас Бакер, то бок старэйшы рэгіянальны пастаянны прадстаўнік у рэгіёне Цэнтральнай і Ўсходняй Эўропы Эўрапейскага дэпартамэнта фонду.

„Нядаўна мы прадставілі новую справаздачу пэрсаналу фонду па Беларусі, — цытуе словы Бакера primepress.by. — Мы адзначаем, што рэзэвы знаходзяцца на нізкім узроўні, патрэба ў валюце знаходзіцца на высокім узроўні. Гэта ўяўляе сабой праблему й можа выклікаць новую дэвальвацыю, паколькі далярызацыя ў Беларусі знаходзіцца на высокім узроўні”.

МВФ ацэньвае, што зьнешні доўг беларускай дзяржавы разам з дзяржаўнымі гарантыямі, выдадзеных прадпрыемствам, складае 51% ВУП (на 1 лютага 2018-га ён складаў 17,9 млрд даляраў). Пры адсутнасьці „рашучых мер па рэфармаваньні эканомікі” ён можа стварыць праблемы ў фінансавым і банкаўскім сэктарах, адзначыў прадстаўнік фонду.

euroradio.fm/аз