Сын памерлай жанчыны 30 гадоў атрымліваў яе пэнсію

У РУУС Менска завярнуліся работнікі сацыяльнай абароны для ўстанаўленьня месцазнаходжаньня найстарэйшай жыхаркі Менску 1904 года нараджэньня, піша БелТА. Сацработнікі некалькі разоў спрабавалі наведаць жанчыну, аднак сын казаў, што яна жыве ў вёсцы на Гарадзеншчыне. Аказалася, што жанчына памерла яшчэ ў 1988 годзе.

Сваякі жанчыну пахавалі, аднак сын памерлай утойваў ад органаў сацабароны факт сьмерці маці і з таго часу атрымліваў яе пэнсію ў банку па даверанасьці.

Прыкладная сума шкоды складае больш за 100 тыс. рублёў. Мужчыну пагражае да 7 гадоў пазбаўленьня волі.

www.belta.by/нг