Уладзімір Макей разьвітаўся з паслом Польшчы Конрадам Паўлікам

Міністар замежных спраў Рэспублікі Беларусь Уладзімер Макей правёў сустрэчу з Надзвычайным і паўнамоцным паслом Рэспублікі Польшча ў Рэспубліцы Беларусь Конрадам Паўлікам з нагоды завяршэньня яго дыпляматычнай місіі.

Падчас сустрэчы былі падведзены вынікі беларуска-польскага супрацоўніцтва ў 2016-2017 гг. Адзначана станоўчая дынаміка двухбаковых палітычных кантактаў і парлямэнцкіх сувязей, а таксама рост гандлёвага абароту паміж краінамі.

Уладзімір Макей падзякаваў паслу Польшчы за ўклад у разьвіцьцё беларуска-польскіх адносін. Бакі пагадзіліся з неабходнасьцю садзейнічаць далейшаму паляпшэньню клімату даверу і ўзаемаразуменьня паміж Беларусьсю і Польшчай, а таксама павышаць якасьць двухбаковых кантактаў, паведамляе прэс-служба МЗС Беларусі.

яс