Фэміністка супраць таго, каб хрысьціянскія актывісткі праводзілі перадабортныя кансультацыі

Шарова спрабуе разабрацца хто дазволіў валянцёрам арганізацыі кансультаваць жанчын перад абортам. Нагадаем, у 2015 годзе такія кансультацыі сталі абавязковымі для ўсіх, хто ідзе на аборт.

Ці ёсьць у іх патрэбныя веды і досьвед? Ці не прымушаюць актывісткі жанчын адмовіцца ад аборту моцным псыхалягічным ціскам? Такія пытаньні задае Юлія Шарова ў сувязі з тым, што кіраўніца «Матулі» Вера Сярдзюк папрасіла на старонцы ў фэйсбуку дапамагчы арганізацыі набыць цацачныя эмбрыёны, каб псыхолягі маглі даць іх патрымаць цяжарным жанчынам, што вырашыліся на аборт. Калі яны бачаць, што іх плод – гэта «не згустак клетак, а рэальны чалавек», многія прымаюць рашэньне нараджаць.

Юлія Шарова лічыць, што жанчына мае права самастойна вырашаць, ці рабіць аборт.

Юлія год таму скончыла факультэт псыхалёгіі.

«Я здавала прадмет «Псыхалягічнае кансультаваньне» і ведаю, што псыхоляг-кансультант ні ў якім разе не павінен дзяліцца ўласным досьведам, навязваць сваё меркаваньне і, пагатоў, ціснуць на чалавека, каб схіліць яго да прыняцьця пэўнага рашэньня. Гэта такая аксіёма, маральны кодэкс псыхоляга-кансультанта. І калі ён яго парушае, мусіць пакласьці дыплём на стол», – лічыць Юлія.

nn.by/яс